По големата победа над Киелце, ракометарите на Вардар ја очекуваат екипата која оваа сезона игра одлично во Лигата на шампионите и во СЕХА лигата, Мешков Брест.
Екипа која се наоѓа на 4-та позиција во СЕХА лигата, со вкупно 4 победи и 2 порази. Победи кои не ветуваат дека се во добра форма, бидејќи сите 4 победи ги остварија против екипи од долниот дел на табелата (Спартак Војпут, РК Струмица, Војводина и Борац), а изгубија од ППД Загреб и Веспрем. Но, тоа не мора многу да значи. Бидејќи во Лигата на шампионите Мешков Брест се наоѓа на втората позиција во својата група, со 4 победи против екипите на Татран Прешов, Чеховски Медведи и Ла Риоха. Екипа која треба да се респектира, со оглед дека во составот ги има феноменалните бекови Атман, Никуленкау и Манојловиќ, добро познатиот пикер Стојковиќ, како и ракометниот џин Кристованс.
Дотолку ракометарите на Вардар сакаат да извојуваат победа, ќе треба максимално да влезат во овој натпревар и добро да се испотат. Без разлика на последниот натпревар против Киелце, кој мора да остане во минатото и да не им биде алиби дека се чувствуваат изморени од тој натпревар.
Натпреварот се игра утре од 17:45 часот во СЦ „Јане Сандаски“, со директен пренос на МРТ.
*Влезници за натпреварот може да набавите онлајн на www.ticketplus.mk, како и на билетарницата на СЦ „Јане Сандански“, по цена од 50 и 150 денари.
