Вардар се пласира во големото финале на националниот куп, откако очекувано го совлада струмички Зомимак-М, со убедливи 46:25.
Струмичани им парираа на вардарци во првите 15 минути, каде имаа и водство од 7:8. За веднаш потоа ракометарите на Вардар да направат една серија од 4:0 за да поведат и потоа воедно и да го свртат цел натпревар. Штербик нареди 8 одбрани, а стрелците во Вардар се менуваа и го полнеа голот на струимчани за да заминат на полувреме со конечни 24:14.
Во второто полувреме Вардар продолжи со исто темпо, а Зомимак-М им даде шанса и на помладите ракометари да го почуствуваат паркетот во СРЦ „Кале“. По што вардарци само ја дуплираа предноста од првото полувреме, со што убедливо го завршија натпреварот со конечни 46:25.
Вардар во финалето ќе се сретне со Металург, натпревар кој ќе се одигра во сабота од 18:30 часот во СЦ „Јане Сандански“.
ФОТО: www.rkvardar.com.mk
