Денес во Валенсија, Шпанија се изврши влечење при што се формираа конечните групи за Европското првенство што ќе се одржи летово од 23 Јули до 2 Август. Нашата женска младинска репрезентација се наоѓаше во вториот шешир заедно со Романија, Хрватска и Норвешка. Македонија се падна во групата Б, а за противници ги доби репрезентациите на Русија, Германија и Литванија.
Домаќинот имаше право на избор на група во која ќе настапува и по кратка консултација се одлучија за групата Д, во која се наоѓаа репрезентациите на Португалија, Норвешка и Белорусија.
Преглед по групи:
Група А: Данска, Хрватска, Црна Гора, Србија.
Група Б: Русија, МАКЕДОНИЈА, Германија, Литванија.
Група Ц: Шведска, Романија, Унгарија, Франција.
Група Д: Португалија, Норвешка, Шпанија, Белорусија.
