Филип Миркуловски верува дека на утрешниот натпревар ќе издвојуваат победа над репрезентацијата на Австрија, со што би го избегнале домаќинот Катар како можен противник во 1/8 финалето.
„Ова е последен натпревар од нашата група, како што планиравме ќе играме со Австрија за второ место. Се работи за компактна екипа, со нив ќе играме по четврти или петти пат, играчите се 90% исти, нема да има тајни. Нам ни е потребен бод, сакаме да бидеме втори, да играме со Словенија, тоа е подобро отколку со домаќинот Катар кој има сериозна екипа. Ќе треба да дадеме максимум, да извлечеме поука од мечот со Хрватска, да не ни се повторат тие „црни дупки“ од 10-15 минути“ – изјави Миркуловски.
