Викендов се одиграа 3 натпревари од второто коло во Суперлигата, каде екипата на Охрид 2013 ја оствари својата прва победа против Металург 2 на гостински терен, додека на домашен терен славеа Пелистер против Тинекс Пролет и ГРК Борец во дуелот со Прилеп 2010.

  • ГРК Борец 25:20 Прилеп 2010

Квалитетен натпревар во кој неизвесноста траеше до првата половина од второто полувреме, каде ракометарите на Борец со мини серија успеаа да се одлепат со 4 гола разлика, кои успешно ги зачуваа до самиот крај на натпреварот. Во првото полувреме, како и во поголемиот дел на натпреварот се играше цврсто и борбено, гол за гол. Со што покажаа и двете екипи дека оваа сезона се подготвени да им прикажат квалитетен ракомет на македонска публика, која ја имаше доста во салата на ГРК Борец.

Напрецизни кај ГРК Борец: Љупчно Игнов 5, Раде Стојановиќ 5, Ивица Лазаровски 5.
Напрецизни кај Прилеп 2010: Горан Шаренац 6, Менде Петковски 5.

  • РК Пелистер 30:21 Тинекс Пролет

Натпреварот кој беше означен како едно од двете дербиња во ова второ коло, не ги оправда очекувањата на љубителите на ракометот. Натпревар во кој уште на самиот старт ракометарите на Пелистер дадоа до знак дека бодовите ќе останат во Битола. Скопјани без својот најдобар играч, голманот Стефан Кимевски не успеа да се спротистават на добро мотивираниот Пелистер, кој славеше 60 години од постоењето на клубот.

Напрецизни кај РК Пелистер: Петар Топиќ 6, Младен Чачиќ, Стефан Дрогиршки 5
Напрецизни кај Тинекс Пролет: Доне Мајнов 5, Петар Јовановски 5, Ласко Андоновски 5

  • Металург 2 20:29 Охрид 2013

Единствената екипа која успеа да победи на гостински терен беше екипата на Охрид 2013, каде во Автокоманда без многу проблеми ја совлада премладата екипа на Металург. Натпревар во кој очигледна беше разликата во квалитетот и искуството, каде младите ракометари на Металург успешно им парираа само во првото полувреме.

Напрецизни кај Металург 2: Јован Реџиќ 4, Марио Танковски 4
Напрецизни кај Охрид 2013: Мите Караиванов 6, Дарко Павловиќ 6, Елдин Враажалица 6

Второто коло ќе се комплетира со натпреварите во вторник и среда на кои ќе играат:

  • РК Радовиш : Вардар Јуниор
  • Металург : Работнички.

Видеото од РФМ со најинтересни моменти од второто коло, во кој е вклучен и прегледот од последниот натпревар помеѓу Вардар Јуниор и Металург, кој го комплетираше првото коло, може да го погледнете ТУКА.

Фото: www.setaliste.com.mk