Денеска со одигрувањето на трите натпревари од послетното 10-то коло од плејофот заврши сезоната во ракометната ВИП Супер лига. Екипите на Вардар, Металург и Охрид очекувано слава во последните натпревари, кои беа чиста формалност во однос на конечниот распоред на табелата, кој остана непроменет.
- РК Вардар – РК Прилеп
Ракометарите на РК Вардар забележаа победа од 34:38, каде со скор од 10 победи во 10 одиграни натпревари завршија на првото место во плејофот. Прилепчани одлични им парираа на „црвено-црните“, каде покажаа дека оваа сезона се во одлична форма и дека заслужено се најдоа на 4-та позиција, која ќе ги изнесе во Европа следната сезона.
Најефикасни кај РК Прилеп беа Ѓорѓиески со 7 и Талевски со 6 погодоци, додека кај вардарци најефикасни беа Манаксов со 12 и Шишкарев со 6 постигнати погодоци.
- РК Металург – Макс Струмица
„Плаво-белите“ истотака очекувано славеа над струмичани со 33:28, во натпревар без никакво значење за двете екипи, каде уште на почетокот поведе Металург и умешно без многу напор ја одржуваше разликата од 5-7 погодоци до самиот крај на натпреварот.
Најефикасни кај струмичани беа Мајиќ со 9 и Соколов со 8, додека кај гостите беа Талески со 8 и Палевски со 5 постигнати погодоци.
- РК Работнички – РК Охрид
Иако на почетокот на сезоната РК Работнички стартуваше со големи амбиции за оваа сезона, сепак на крајот не видовме ништо. Веќе во вториот дел од сезоната романтичарите спласнаа во својата игра, им се појавија финансиски проблеми, по што во плејофот забележаа 9 порази. Денес во дуелот од дното на табелата РК Охрид беше очекувано поуспешен од Работнички со 33-26.
Најефикасни кај домаќините беа Димитријески и Марсениќ со по 6 постигнати погодоци, додека кај охриѓани беа Павловиќ и Вражалица истотака со по 6 постигнати погодоци.
Воедно се комплетираа и натпреварите од плеј-аут фазата, во која екипата на Металург 2 како последно пласирана од следната сезона се сели во првата лига. Додека ГРК Борец ќе игра бараж со Вардар 2 за опстанок во суперлигашкото друштво.
Нов суперлигаш од следната сезона е ХЈС Работник од Битола!
