Најавите на Лино Червар и раководството на Металург дека годинава тимот, како никогаш досега речиси целосно ќе се потпре на македонски ракометари, продолжуваат да се остваруваат.

Официјално, досегашниот ра­ко­ме­тар на Пе­ли­стер, Сте­фан Дро­гри­шки, играч­ка­та ка­ри­е­ра ја про­дол­жува во Ме­та­лург. Два­е­сет и две­го­диш­ни­от лев и сре­ден бек се договори со Металург и 01.08 ќе се јави на подготовките за новата сезона.

“По по­ве­ќе го­ди­ни по­ми­на­ти во Пе­ли­стер, се чи­ни дој­де вре­ме да на­пра­вам че­кор на­пред во мо­ја­та ра­ко­мет­на ка­ри­е­ра и да ги ис­про­бам си­ли­те во ед­на дру­га сре­ди­на. Нај­дов за­ед­нич­ки ја­зик со ра­ко­водс­тво­то на Ме­та­лург со кое во на­ред­ни­от пер­и­од ќе пот­пи­шам до­го­вор. На­ви­сти­на е го­лем пре­диз­ви­кот да се игра во Ли­га­та на шам­пи­о­ни­те, ка­ко и во Ре­ги­о­нал­на­та ли­га, а осо­бе­но за­до­волс­тво е да би­деш тре­ни­ран од вр­вен струч­њак, ка­ков што е Ли­но Чер­вар“ изјави Дро­гри­шки.

Со приклучувањето на Дро­гри­шки (193 см, 93 кг), Металург го обезбеди најталентираното и најквалитетното што може да го понуди македонскиот ракомет на позицијата лев и среден бек. Талевски, Кузмановски, Крстевски, Нелоски, Димитриевски и сега Дрогришки сезонава ќе имаат значајна минутажа во Металург и шанса да се наметнат и за во репрезентацијата на Македонија. Тука се и посикусните Обрадовиќ и Печенковски, со што Металург ја затвара екипата на овие две позиции. Се чини дека останува уште да пронајде засилување на позицијата десен бек, очигледно од странство, и веројатно пивот, со што тимот на Металург ќе се комплетира.

ПОВРЗАНИ НАПИСИПОВЕЌЕ ОД АВТОРОТ