(Видео) Митревски е најуспешниот голман на ЕП во Хрватска!

Синоќа македонската репрезентација го запиша првиот пораз на Европското првенство во Хрватска. Нашите ракометари одиграа еден лош натпревар, во кој беа надиграни од репрезентациjaта на Шпанија и сосема заслужено загубија со убедливи 20:31 (6:15).

Единствената светла точка во нашата репрезентација беше голманот Николче Митревски, кој имаше фантастични одбрани и мечот го заврши со неверојатни 14 одбрани. По оваа блескава партија, Митревски е најуспешниот голман на Европското првенство во Хрватска. Зад своето име запиша 28 одбрани од 66 удари и со 42% успешност зад себе ги остави Џерард од Франција (41%) и Апелгрин од Шведска (38%).

Уживајте во двојната одбрана на Никола Митревски!