Селекторот на Македонската машка ракометна репрезентација, Лино Червар, по објавувањето на списокот од 28 ракометари за баражот за СП против Чешка, ги објави и имињата на дополнителни петмина играчи на кои ќе смета за сите идни настапи на репрезентацијата.
Проширениот список, односно вклучувањето на петмината ракометари во идните планови на репрезентацијата, е резултат на деталната анализа на нивните досегашни настапи на клупско ниво, низ кои покажаа квалитет и потенцијал да бидат дел од националниот тим.
Петмината ракометари на кои Червар ќе смета за идните настапи на репрезентацијата се:
- Ласко Андоновски (РК Пролет 62)
- Горан Печенковски (РК Охрид 2013)
- Давор Палевски (РК Металург)
- Горан Крстевски (РК Металург)
- Иван Тасески (РК Охрид 2013)
