Денес нашата репрезентација ќе го игра првиот контролен натпревар во Белград, против репрезентацијата на Саудиска Арабија. Селекторот, Раул Гонзалес нема големи очекувања за овие контролни натпревари, кои ќе бидат единствените „тестови“ во рамките на подготовките за престојното ЕП во Хрватска.
Гонзалес не очекува многу од овие два натпревари, но најважно за него е да види како е досега сработено и како ќе функционираат ракометарите.
„Не очекувам многу од двата пријателски натпревари. Најважно за мене е да видам што и како е досега сработено и како функционираат линиите. Добро работевме, сега треба да видиме како тоа ќе изгледа на терен“ – изјави Гонзалес.
Селекторот нема да ризикува. Иако повредата на Прибак не е сериозна, сепак ќе биде поштеден за овие две контролни натпревари, бидејќи ќе му биде потребен во Хрватска.
„Имаме мали проблеми со Прибак и нема да ризикувам, ќе одмора деновиве, нема да сметам на него за пријателските. Најважно ми е да е подготвен за ЕП, кога и ќе биде најпотребен” – заврши Гонзалес.
Натпреварот против Саудиска Арабија започнува од 18:00 часот, а утре во истото време ќе играме против репрезентацијата на Србија.
