Второто изненадување се случи во Велес, каде ракометарите на ГРК Борец издвојуваа голема победа над РК Работнички со 23:20, со што „романтичарите“ се вратија без бодови во Скопје.
Иако во првото полувреме ракометарите на РК Работнички го контролираа натпреварот и имаа највисоки 5 гола предност (10:15), сепак на полувреме заминаа со само 3 гола предност (12:15). За во второто полувреме, уште на самиот почеток велешани ја анулираа предноста и најавија неизвесен финиш на натпреварот.
Ракометарите на РК Работнички неколку пати пробаа да го свртат натпреварот во нивна корист, но кога ќе пробаа, одличниот голман Стојановски ги запираше. Стојановски со своите 17 одбрани беше еден од најзаслужните за оваа голема победа на ГРК Борец. Со што им го нанесоа 5-тиот пораз на РК Работнички оваа сезона..
Најефикасни на натпреварот беа Мечавелов со 6 и Лазаровски со 5 погодоци, додека кај гостите најефикасен беше Василевски со 8 погодоци.