Ракометарките на ЖРК Вардар не успеаја да го победат унгарски Ѓер во преполната сала „Ласло Пап“, иако имаа шанси во последните секунди од продолжението да дојдат до пенал ситуација.
Тренерот на тимот, Ирина Дибирова изјави дека и покрај се, таа е горда на своите избранички бидејќи тие сработиле се што било договорено.
„Се подготвувавме за овој натпревар цела сезона, но на крај не успеавме. Горда сум на ракометарките, се бореа и реализира се што беше договорено, но на крај не успеавме. Вечерва немавме среќа, на девојките им посакувам среќа во иднина. Горда сум на нив и благодарна сум што бев тренер на овој тим“ – изјави Дибирова.
