Поранешните ракометарки на ЖРК Металург имаа одлични почетоци во своите нови клубови на првите натпревари, откако летово заминаа на печалба во странство.
Како што добро знаете ракометарките Дајана Јовановска и Елена Ливриниќ летово се преселија во редовите на романската екипа – Галаци. Екипа која вчера настапи на турнирот во Крајова, каде на првиот натпревар против Дунареа Браила забележа победа во која нашите ракометарки имаа клучна улога. Прикажаа одлична игра во која Ливриниќ постигна 9 подогоди и беше прогласена за МВП на натпреварот, додека Јовановска постигна 6 погодоци.
Истотака македонската репрезентативка Андреа Белеска го имаше дебито за својот нов клуб, Рамницу Велчеа од Романија во рамките на „Плоешти“ купот. Натпревар во кој Белеска постигна 6 погодоци, но сепак залудни, бидејќи нејзината екипа загуби со резултат 28:25 од домаќинот Плоешти. Следуваа уште два натпревари, во кои Белеска одигра солидно, каде против Униреа Слобозиа постигна 3 погодоци, додека на последниот натпревар против Краиова постигна 9 погодоци и беше прогласена за МВП на натпреварот.
Романскиот шампионат започнува на 3-ти септември со натпревари.
МакРакомет им посакува многу успешна сезона, како на клупски така и на репрезентативен план!
