Денес македонската репрезентација повторно беше подобра од репрезентацијата на Црна гора, овојпат со 29:26. Натпревар од затворен карактер, на кој беше поштеден капитенот Кире Лазаров. Но, и без него нашите репрезентативци прикажаа добра игра и заслужено ја совладаа Црна Гора.
Во составот се врати Филип Лааров, кој ги надмина проблемите со повредата, по што се очекува да биде во комбинација за настап на престојното ЕП во Полска
Македонија уште на стартот направи минимална предност од 2-3 погодоци, предност која со рутинска игра ја оддржуваше се до самиот крај на натпреварот.
Најефикасни во нашиот состав беа Дејан Манасков со 9 и Стојанче Стоилов со 5 погодоци.
До крајот на денот се очекува селекторот, Ивица Обрван да излезе со конечниот список на 16-те ракометари, кои ќе отпатуваат за Полска.
