Македонскиот репрезентативец, Дејан Манасков во интервјуто за ЕХФ изјави дека селекторот Раул Гонзалес е одличен тренер, кој може многу да ни помогне да одиграме подобро. Како и пошироката јавност, така и Манасков се надева дека со малку среќа во Хрватска ќе го повториме успехот од Србија.
„Македонскиот народ е луд по Вардар, затоа се надева дека Раул ќе успее да и помогне и на Македонија. Добро го познавам од Вардар, станува збор за одличен тренер, може да ни даде многу повеќе за да одиграме подобро. Се надевам дека до Хрватска ќе биде се како што треба, а таму ќе играме добар ракомет.Со малку среќа можеме да го повториме успехот од Србија. Првична цел е да се пласираме во следната фаза, за потоа ќе видиме. Играме со Словенија на стартот, немаме добра традиција, имаме само една победа, но се надевам дека ќе дојдеме до триумф, бидејќи првиот меч секогаш е важен“ – изјави Дејан Манасков во краткото интервју за ЕХФ.
