Наумче Мојсовски е нов член на романски прволигаш, екипата на ЦСМ Букурешт. Мојсовски во последните неколку дена преговараше со раководството на тимот во Букурешт, по што најдоа заеднички интерест, со што вечерва официјално се ставени потписи на договорот.
„По попладневниот тренинг и официјално го ставив својот потпис на договорот со ЦСМ Букурешт. Станува збор за квалитетна екипа која е многу амбициозна и со нетрпение очекувам да почнам да настапувам за неа. За жал, не стигнавме да го потпишеме договорот навреме за да можам да играм во ЛШ, па право за настап во европските купови ќе добијам дури во 2016 година. Би сакал да му се заблагодарам на Звонко Шундовски за укажаната доверба и помошта при реализацијата на овој трансфер“ – изјави Наумче Мојсовски за порталот Екипа.
Конечно Мојсовски го реши својот проблем со наоѓањето на нов клуб, по што се очекува полека да се врати во својата форма, што би била добредојдена за ЕП 2016 во Полска.
Среќно!
