Екипата на РК Металург очекувано издвојува победа над РК Работнички на домашен терен, во рамките од 4-то коло. По победите над РК Прилеп и РК Охрид, на ред беа скопјани. „Плаво-белите“ славеа убедливо над РК Работнички со 32:25, победа со која се изедначија со Макс Струмица на првото место, која истотака има три победи по три одиграни меча.
Уште на почетокот, ракометарите на РК Металург покажаа дека нема што да бараат „романтичарите“ во Автокоманда. Сконцентрирано во нападот и цврсто во одбраната, направија солидна предност, која на крајот од првото полувреме изнесување веќе 6 погодоци, 16:10.
Вториот дел се одигра изедначено, но ракометарите на Лино Червар рутински ја одржуваа предноста која ја обезбедија во првото полувреме, за на крај извојуваат победа од 7 погодоци, конечни 32:25.
Следниот натпревар „плаво-белите“ ќе го одиграат на 4-ти Мај, против екипата на РК Вардар. Натпревар од 3-то коло, кој беше закажен за Велигден, но поради обврските на „црвено-црните“ во Лигата на шампионите, истиот беше преместен.
Најефикасни на натпреварот беа Никола Костески и Марко Бувиниќ со 7 постигнати погодоци, додека кај гостите најефикасни беа Вања Илиќ со 8 и Никола Марковски со 6 постигнати погодоци.
