Македонската репрезентација загуби во клучниот натпревар против Исланд со резултат 24:22 и не се пласира во следната фаза на Светското првенство. Ова е прв пат после цели 20 година Македонија да не се пласира во следната фаза, а ракометарите не го криеа разочарувањето.
Во продолжените изјавите од Дејан Манасков и Стојанче Стоилов, во кои едногласно изјавија дека ова е реалноста!
„Секако дека сме разочарани бидејќи воглавно одигравме добар натпревар. Сепак, знаеме дека ракомет се игра 60 минути, не може да играме добро едно полувреме. За жал таа е реалноста, она што го увидовме на овие последни три натпревари, кога сме на брзата страна можеме со секого, но потоа на другата страна имаме проблеми што не успеавме да ги надминеме. Тоа е ракометот, имавме шанса да се вратиме, не ја искористивме и на крајот Исланд заслужено победи“ – изјави Стоилов.
„Ова е реалноста во моментов за оваа репрезентација. Одиме понатаму да одиграме во Келн за да видиме на кое место ќе го завршиме ова првенство. Тешко е, можеби доаѓаат проблематични денови за македонската репрезентација, имаме играчи кои се пред пензија, но работиме на тоа да не се случи“ – изјави Манасков.
