Македонското дерби помеѓу екипите на Вардар и Металург ќе се одигра вечерва во СЦ „Јане Сандански“, во рамките на 10-то коло во СЕХА лигата.
Актуелниот шампион и лидер на табелата во СЕХА лигата, Вардар со максимален учинок оваа сезона (15 победи) ќе го пречека Металург кој оваа сезона одигра многу променливо и само со 3 победи се наоѓа на 7-то место на табелата.
Фаворитската улога припаѓа на Вардар, но тренерот на Металург, Александар Јовиќ изјави дека со мотивирана и цврста игра од првата минута ќе имаат шанса да ги изненадат. Како што го изненадија пролетта (2 Април), кога издвојуваа победа од 29:26 во натпревар од домашното првенство.
Кај „црвено-црните“ неизвесен е настапот на Илија Абутовиќ и на Игор Карачиќ, поради повреди.
Вечерашниот натпревар има хуманитарен карактер, а сите собрани средства ќе бидат наменети за операција за Борче Јовановски (16) кој мора итно да замине на операција во странство на трансплантација на коскена срж.
Да бидеме хумани и вечерва во 20:45 часот да го наполниме СЦ „Јане Сандански“ ! ! !
