Екипата на Вардар многу лесно отколку што се очекуваше триумфираше над ППД Загреб со 33-24, со што „црвено-црните“ уште еднаш покажаа дека кога ќе влезат максимално во натпреварот, дека можат да ја победат било која екипа.
Уште од самиот почеток стана јасно дека Вардар ќе доминира на оваа средба, одбраната функционираше беспрекорно, Штербик беше одличен на голот, а од тоа произлегоа и низа лесни погодоци од контра и полуконтра. Со што веќе во 20-та минута, разликата беше двоцифрена 14:4. За веднаш потоа, во последните 10 минути, ракометарите на ППД Загреб одиграат подобро и задржат оваа разлика, и на полувреме да заминат со 20:10.
Во второто полувреме натпреварот се одигра рутински, загрепчани свесни дека веќе го загубија натпреварот, се откажаа од било каков обид за пресврт. Со што двајцата тренери правеа бројни ротации во тимот, со што не се одразии многу на резултатот. Континуирано разликата се движеше околу 10 погодоци, за на крај заврши со конечни 33:24.
Најефикасни кај Вардар беа Цинриќ, Лацковиќ и Горбок со по 5 погодоци, додека кај гостите најпрецизен беше Домагој Павловиќ со 7 постигнати погодоци.
Веднаш после натпреварот, тренерот на Вардар го изјави своето задовоство од играта на своите играчи.
„Презадоволен сум од почетокот, игравме како што треба од секој аспект, одбраната ни беше супер, Штербик беше извонреден, искористивме контранапади и одигравме многу добро. Загреб секогаш игра добро, оваа сезона се мачи поради повредите на клучни натпревар, за овој меч немаше ниту левак за бековската позиција. Севкупно гледано, презадоволен сум од победата“ – изјави Раул Гонзалес.
