Вечерва ракометарите на македонскиот првак и актуелен европски шампион Вардар се пред тежок испит на гостувањето кај германскиот првак Рајн Некар Левен, во рамките на 9-то коло во Лигата на шампионите.
Германскиот шампион е во серија од три порази по ред во сите натпреварување, а еден е од Вардар минатата сабота во Скопје (30:26). Екипа која вечерва ќе го даде својот максимум да ја прекине оваа серија и да се одмазди на Вардар за минатонеделниот пораз во Скопје. Максимално ќе проба да ја искористи жешката атмосфера во салата и силната бучава која ја прават фановите на Рајн Некар Левен, се со цел да се избори за позитивен резултат.
„Левен е екипа што играта во нападот седум на шест најдобро ја прави во рамките на ЛШ, но ние во Скопје успешно им се спротивставивме и ги победивме, бидејќи тоа постојано го вежбаме на тренинзите. Очекувам и во реваншот в недела пред својата бучна публика Левен да игра така во нападот, а ние повторно со добра одбрана успешно да им се спротивставиме“ – изјави Гонзалес.
„Црвено-црните“ оваа сезона со право ја носат титулата за најдобра одбрана во двете елитни групи на Лигата на шампионите, бидејќи е единствената екипа која има примени 188 погодоци на 8 натпревари. Што со право тоа ќе биде најсилното оружје на вардарци вечерва, со кое ќе проба да ја неутрализира и одбрани од нападот „7 на 6“ на Рајн Некар Левен, како што тоа добро го направи во Скопје.
Добра вест за Вардар е дека во составот се врати Лука Циндриќ, а тоа колку ќе игра зависи од тренерот.
Натпреварот започнува од 19:00 часот, со директен пренос на МРТ.
