Интересното трето коло во машката Супер ВИП лига, ќе го започнеме со првата победа за екипата на Прилеп оваа сезона. Екипата на Прилеп ја оствари првата победа сезонава откако на домашен терен го победи вториот тим на Металург со 29-28. На овој натпревар гостите од Скопје, тимот на Металург 2 најави жалба за случувањата. Тренерот Александар Јовиќ добил црвен картон бидејќи во еден момент ја повлекол екипата во соблекувална, а на трибините бил испратен и Мартин Манасков. Останува да видиме како ќе се одвива и што ќе превземе РФМ во врска со овој натпревар.
Екипата на Зомимак-М забележа убедлива победа на домашен терен славеше над екипата на Охрид со 28-19, во меч кој се одигра во спортската сала на СОУ „Димитар Влахов“ во Струмица. Рисовите уште од почетокот на натпреварот покажаа дека сезонава имаат високи амбиции, и со одличната игра поктврдија дека се главни претенденти за освојување на првото место во регуларниот дел од сезоната. За струмичките „Рисови“ десното крило Чантуриа имаше 7 погодоци, а голманот Трајковски забележа 11 одбрани.
Радовиш со одличната игра во текот на целиот натпревар успеа да го совлада битолски Пелистер со 27:18, недозволувајки му на младиот гостински тим да приреди никакво изненадување. Големата подршка од навивачката група „Лебари“ и сите присутни во „СРЦ 25 Мај“ покажаа дека радовишани го сакаат ракометот.
Екипата на Пролет како гостин убедливо славеше против РК Текстилец со 36-22. Први стрелци кај победникот беа Љубиша Димковски и Филип Ролевски со по 7 голови, додека на спротивната страна расположени беа Оливер Пешовски со 10 и Марјан Савев со 7 погодоци.
Работнички триумфално мина во Ресен, откако беше поуспешна од домашната Преспа со 33-25.
Во кратки црти, не радува што се повеќе македонскиот ракомет иде во нагорна линија. Со оглед на финансиската ситуација на повеќето македонски клубови, ова е максимумот кои можат да ни го пружат. Се надеваме дека ќе се подобри тоа и дека ќе имаме уште поквалитетна лига, што би придонело до уште подобра македонска репрезентација.
Резултати, 3 коло
Охрид 19:28 Зомимак
Прилеп 29:28 Металург 2
Радовиш 27:18 Пелистер
Текстилец 22:36 Пролет
Преспа 25:33 Работнички
ТАБЕЛА
1. Зомимак М 3 3 0 0 6
2. Радовиш 3 2 0 1 4
3. Металург 2 3 2 0 1 4
4. Охрид 3 1 1 1 3
5. Прилеп 3 1 1 1 3
6. Пролет 2 1 0 1 2
7. Работнички 2 1 0 1 2
8. Преспа 2 1 0 1 2
9. Текстилец 2 0 0 2 0
10. Пелистер 3 0 0 3 0
Следно коло (11/12 октомври):
Металург 2 – Пролет
Пелистер – Текстилец
Охрид – Радовиш
Работнички – Зомимак
Прилеп – Преспа
